रायपुर, मुख्यमंत्री श्री भूपेश बघेल ले आज इहां ऊंखर निवास कार्यालय म गुरू घासीदास साहित्य अउ संस्कृति अकादमी रायपुर के प्रतिनिधि मंडल ह सौजन्य मुलाकात करिस। उमन मुख्यमंत्री ल बताइन कि रायपुर के शहीद स्मारक म अवइया 9 फरवरी के अकादमी कोति ले सतनामी समाज के विवाह योग्य युवक-युवती, विधवा-विधुर, परित्यक्ता अऊ तलाकशुदा मनखे मन के जीवन साथी चुनाव बर परिचय सम्मेलन के आयोजन करे जात हे। प्रतिनिधि मंडल ह ये सम्मेलन म मुख्यमंत्री ले मुख्य अतिथि के रूप म सामिल होए के आग्रह करिस। मुख्यमंत्री ह प्रतिनिधि मंडल ल धन्यवाद देवत कार्यक्रम बर शुभकामना दीन। प्रतिनिधि मंडल म गुरू घासीदास साहित्य अउ संस्कृति अकादमी के अध्यक्ष श्री के.पी. खण्डे, महासचिव डॉ. जे.आर. सोनी, कोषाध्यक्ष डॉ. एस. पात्रे अऊ नगर निगम रायपुर के पार्षद श्री सुन्दर जोगी उपस्थित रहिन।
मुख्यमंत्री ले गुरू घासीदास साहित्य अउ संस्कृति अकादमी के प्रतिनिधि मंडल करिस मुलाकात
