रायपुर, 05 मई 2020। गुरू घासीदास साहित्य अउ संस्कृति अकादमी’ ह कोरोना पीड़ित, गरीब, मजदूर मन अऊ जरूरतमंद मन के सहयोग बर मुख्यमंत्री सहायता कोष म दू लाख रुपिया के सहायता राशि देहे हे। नगरीय प्रशासन मंत्री डॉ शिव कुमार डहरिया ह अकादमी के तरफ ले मुख्यमंत्री श्री भूपेश बघेल ल सहायता राशि के चेक सउंपिन।
जानबा हे के मुख्यमंत्री राहत कोष बर सतनामी समाज के जुन्ना समिति ‘गुरू घासीदास साहित्य अउ संस्कृति अकादमी’ म सहयोग के मुहिम समिति के संरक्षक श्रीमती शकुन डहरिया ह शुरू करे रहिस।
मुख्यमंत्री ह ए सहयोग बर अकादमी के आभार व्यक्त करत कहिन के सतनामी समाज हमेसा संकट के घड़ी म मदद बर अपन हाथ आगू बढ़ाथे। जऊन सबो बर प्रेरणादायी हे। प्रतिनिधि मंडल म अकादमी के प्रदेशाध्यक्ष श्री के.पी. खाण्डे, डाॅ. जे.आर. सोनी, श्री डी.एस. पात्रे अऊ श्री चेतन चंदेल सामिल रहिन।
