दुर्ग, बाबा गुरु घासीदास जी ह हमला मनखे-मनखे एक समान के संदेश देहे हे। ये संदेश सबो ल एक समान समझना अऊ एखर मुताबिक सत्य निष्ठा ले काम करे के संदेश ये। हम बाबा के संदेश के पालन करत हन अऊ छत्तीसगढ़ के विकास बर काम करत हन। मुख्यमंत्री ह कहिन कि इही संदेश बाबा साहब के घलोक हे, जनगणना के मुताबिक सबो वर्ग ल आरक्षण मिलय, ये व्यवस्था बाबा साहब ह संविधान म करे हें। एखर मुताबिक हमन जिला मन म तीसर वर्ग अउ चतुर्थ वर्ग के नियुक्ति मन म आरक्षण के व्यवस्था जनगणना के आधार म करे हन।
ये मौका म मुख्यमंत्री ह समाज के कई ठन मांग बर एक करोड़ रुपए देहे के घोषणा घलोक करिन। ये मौका म विधायक श्री देवेंद्र यादव, महापौर श्री नीरज पॉल, जिला सहकारी बैंक के अध्यक्ष श्री राजेन्द्र साहू अउ समाज के पदाधिकारीगण मौजूद रहिन।
बाबा गुरु घासीदास जी के संदेश मनखे-मनखे एक समान ल केंद्र मानके करत हन काम: मुख्यमंत्री श्री बघेल
