मुख्यमंत्री अपन बचपन के स्कूल के गुरूजी ले मिलके होइन भाव विभोर

जसपुर, 26 सितमबर 2024। मुख्यमंत्री श्री विष्णुदेव साय अपन बचपन के स्कूली शिक्षक श्री राजेश्वर पाठक ले मुलाकात करके भाव विभोर हो गें। उमन अपन स्कूल के दिन ल सुरता करिन अऊ अपन गुरूजी के चरण स्पर्श करके अभिवादन करिन। मुख्यमंत्री ह ओ मन ल शाल अउ श्रीफल भेंट करके सम्मानित घलोक करिन। मुख्यमंत्री ह कहिन के गुरूजन के ही आशीर्वाद हे के में इहां तक पहुंच पाए हंव अइसन कहत उमन अपन शिक्षक ले फेर आशीर्वाद मांगिन अऊ ऊंखर गुरूजी ह घलोक दिल ले उमन ल आशीर्वाद दीन।

मुख्यमंत्री श्री साय ल स्कूल पढ़इया 94 बछर के गुरूजी श्री राजेश्वर पाठक ह बताइस के जब ओ लोयला उच्चतर माध्यमिक शाला कुनकुरी म पढ़ात रहिन तब मुख्यमंत्री श्री साय उंहा पढ़त रहिस। ओ ह बचपन ले ही बहुत प्रतिभावान, आज्ञाकारी अऊ विनम्र स्वाभाव के रहिन। सौम्यता अऊ सरलता उंखर विशिष्ट पहिचान रहिस। जब ओ मन सांसद रहिन तभो अऊ मुख्यमंत्री बने के बाद, जभे ओ मन मिलिन त ओमां उही विनम्रता अऊ उही सम्मान के भाव दिखीस जेन अद्भुत हे।