गुरुनानक देव जी ह देश-दुनिया ल दीन मानवता के सेवा के संदेश : श्री भूपेश बघेल

रायपुर, मुख्यमंत्री श्री भूपेश बघेल आज राजधानी रायपुर स्थित खालसा स्कूल म गुरुनानक जयंती के अवसर म आयोजित प्रकाश पर्व म सामिल होइन। उमन प्रदेशवासी मन ल गुरू नानक जयंती के बधाई अऊ शुभकामना दीन। मुख्यमंत्री ह गुरु ग्रंथ साहब के आगू मत्था टेकिन अऊ प्रदेश के सुख, समृद्धि अऊ खुशहाली के कामना करिन।
मुख्यमंत्री ह ये बेरा म कहिन कि गुरूनानक देव जी के प्राकट्य उत्सव देश दुनिया म श्रद्धा अऊ उल्लास के संग मनाए जाथे। उमन कहिन के गुरुनानक देव जी ह मानवता के सेवा के संदेश दीन, उमन सेवा ल सबले बड़का धर्म बताइन। कोरोना संकटकाल म सिक्ख समाज कोति ले मानवता के सेवा के उत्कृष्ट काम मन के उल्लेख करत मुख्यमंत्री ह कहिन कि सिक्ख समाज ह छत्तीसगढ़ के संग पूरा देश म सेवा के अनुकरणीय उदाहरण प्रस्तुत करे हे।
ये बेरा म लोकसभा सांसद श्री सुनील सोनी, विधायक अऊ छत्तीसगढ़ गृह निर्माण मंडल के अध्यक्ष श्री कुलदीप जुनेजा, छत्तीसगढ़ राज्य अल्पसंख्यक आयोग के अध्यक्ष श्री महेंद्र सिंह छाबड़ा अऊ रायपुर महापौर श्री एजाज ढेबर घलोक उपस्थित रहिन। ये बेरा म गुरुद्वारा प्रबन्ध समिति के अध्यक्ष श्री निरंजन सिंह खनूजा अऊ पदाधिकारि मन कोति ले मुख्यमंत्री श्री बघेल ल शाल अऊ श्रीसाहब भेंटकरके उंखर सम्मान करे गीस।