सेवा काम करे म सिख समाज हवय अगुवा – श्री भूपेश बघेल

रायपुर, मुख्यमंत्री श्री भूपेश बघेल आज गुरूनानक जयंती के अवसर म राजधानी रायपुर के खालसा स्कूल म आयोजित कार्यक्रम म सामिल होइन। ये बेरा म उमन सबो ल गुरु नानक देव के 553वां प्रकाश पर्व म बधाई अउ शुभकामना दीन। मुख्यमंत्री ह कहिन कि गुरूनानक जयंती पूरा मानवता के प्रकाश पर्व हे। गुरूनानक जी ह संदेश दीन कि संसार के मालिक एक हे, सबो उही मालिक के बंदे यें। खालसा पंथ के सबले बड़े विशेषता हे सेवा। सिख समाज पूरा विश्व म सेवा काम मन के नाम ले जाने जाथे। ये कार्यक्रम म मुख्यमंत्री ह गुरूग्रंथ साहिब के आगू मत्था टेकिन। संगेच सिख समाज ह मुख्यमंत्री ल शॉल अऊ कृपाण भेंट करके सम्मानित करिस।