गुरुर, मुख्यमंत्री श्री भूपेश बघेल ह भेंट-मुलाकात कार्यक्रम म गुरुर म कहिन के आज आप मन के बीच आके बहुत अच्छा लागत हे। सरगुजा अऊ बस्तर ले भेंट मुलाकात के शुरुआत करे रहेंव। मरवाही घलोक गेंव, रायगढ़ घलोक गेंव, सबले मुलाकात होवत हे। हमर योजना मन के लाभ आप मन ल मिलत हे या नही, ये जाने आए हंव। आप मन के समस्या सुनहूँ अऊ समाधान के प्रयास करहूँ। इही पाय के सबो अधिकारी मन ल घलोक लाए हंव।
उमन आगू कहिन के हम किसान मन ले करे वादा निभाए हन। सब मन कहिन कि दीवाली के पहिली तीसरा किश्त दे देवव।
हम 15 अकटूबर को ये दे देबो।
अब खुश हो जाव एक हफ्ता म भुगतान हो जाही
मुख्यमंत्री श्री भूपेश बघेल ल भेंट-मुलाकात के समय एक ग्रामीण जगदीश ह बताइस कि समिति ले धान के पइसा मिले म समस्या होवत हे। ए बात म कलेक्टर ह बताइस कि ये मोर ले मिलयं, समिति के इशु ये, सॉल्व हो गए हे। एक हफ्ता म भुगतान हो जाही। ए बात म मुख्यमंत्री ह कहिन, अब खुश हो जा।
चाहे 10 लाख होवय या 20 लाख लगय। बेटा के इलाज कराबो
उँहा आए हेमंत कुमार ह कहिस कि मोर बेटा ल मस्कुलर डिस्ट्रॉफी हे। चिरायु ले इलाज होय हे। लइका के बाहिर इलाज करवा दव। मुख्यमंत्री श्री भूपेश बघेल ह कहिन कि होवय या 20 लाख लगय। बेटा के इलाज कराबो।
