प्रदेश म 84 लाख ले जादा मरीज मन के होइस उपचार
रायपुर, नेहा राठौर के खबर/ छत्तीसगढ़ के ग्रामीण अंचल खासकर के पहाड़ी अउ दुरगम इलाका म स्वास्थ्य सुविधा ह अबड़ जलदी पहुंचत हे। स्वास्थ्य विभाग के करमचारी मन हाट बजार अउसधालय के माधियम ले स्वास्थ्य सुविधा उपलब्ध करात हे। राज्य के ग्रामीण अंचल मन मे 1 लाख 50 हजार ले जादा हाट बजार क्लीनिक के आयोजन करे जा चुके हे। ए आयोजन म 84 लाख ले जादा मरीज मन ला सीधा फइदा मिलिस हे। स्वास्थ्य विभाग कोती के हाट बजार मन म लगाय जाए वाले क्लीनिक मन म लोगन मन के उपचार के संग निःशुल्क दवाई अउ पैथोलाॅजी के सुविधा घलो मिलत हे। योजना के अनतरगत राज्य म 429 हाट बजार वाहन अउ चिकित्सा दल के माध्यम ले सूदुर इलाका म इलाज ह संभव हो पावत हे।
सरगुजा संभाग के बैकुंठपुर जिला के गांव छिंदडांड निवासी श्री विजय सारथी अबड़ समय ले उच्च रक्तचाप अउ मधुमेह(बी पी अउ सुगर) के बीमारी ले जुझत रहिस हे।महंगा दवई अउ इलाज ले घलो ओला अराम नई मिलत रहिस हे। श्री सारथी प एक दिन एकाएक हे हप्ता लगे वाले हाट बजार म क्लीनिक के गाड़ी ह दिखीस, ओ ह उहां जाके डाक्टर करा पूछिस त ल बिन पईसा के इलाज के जानकारी मिलीस। जांच करवाए म दवई घलो नि:शुल्क मिलीस, जेकर ले उंखर तबीयत म घलो सुधार आइस ।कोरिया जिला म बीते हप्ता म हाट बजार क्लीनिक म कुल 1758 मरीज मन ह नलजांच करवाइस अउ 1715 मरीज मन ल नि:शुल्क दवइ घलो दिए गईस।
बस्तर अंचल म घलो हाट बालजार क्लीनिक योजना के फाइदा बड़ संखिया म गांव ले मनखे मन लेवत हे।
स्वास्थ्य टीम म होथे स्थानीय बोली के जानकार मन
योजना के फइदा लेहे वाले लोगन मन बताइस के छोट-छोट बीमारी अउ ओकर जांच ब अब गांव के मन ल सहर जाए ब नई परत हे। ए योजना म एक एंबुलेंस के सुविधा घलो हे जेकर से आपातकाल जईसे समय म उपयोग करे जाथे।सरगुजा, बस्तर अंचल म लोगन मन ल स्वास्थ्य सुविधा दिए ब ऊंहा के इस्थानी बोली के जानकार डाक्टर अउ संग म अउ इस्टाफ के सहइता लिये जाथे।
