’ग्रामीण अंचल मन बर संजीवनी हाट बाजार क्लीनिक, 2 बछर ले पेटदर्द के समस्या ले पीड़ित धीरसाय ल घलोक मिलीस स्वास्थ्यलाभ’
’बीते अपरेल महिना म 10 हज़ार ले जादा मरीज मन ल मिलीस निःशुल्क जांच अऊ दवइ के लाभ’
कोरिया, गर्मी अऊ मौसम म बदलाव के संग बीमारी मन के आगमन घलोक सहज ही हे, अइसन म ग्रामीण अंचल मन म समय म स्वास्थ्य जांच अऊ इलाज उपलब्ध होना चुनौती के काम हे, आज हाट बाजार क्लीनिक अइसन पहुंचविहीन क्षेत्र मन बर संजीवनी ले कम नइ हे। साप्ताहिक हाट बाजार मन म एमएमयू वाहन के माध्यम ले बड़ संख्या म मनखे मन ल निःशुल्क जांच अउ दवई मिलत हे अऊ सही इलाज पाके मनखे मन ल राहत मिलत हे।
विकासखण्ड सोनहत के ग्राम पंचायत लटमा के साप्ताहिक बाजार म आयोजित हाट बाज़ार क्लीनिक म इलाज बर आए 62 बछर के रामसुंदर के स्वास्थ्य जांच करे म बीपी 90/50, आरबीसी 130 अउ हीमोग्लोबिन म कमी पाए गीस। ते पाए ले ओ ल कमजोरी अउ थकान के समस्या रहिस। डॉक्टर मन वोला निःशुल्क दवइ दीन, तेकर बाद जब 15 दिन के बाद रामसुंदर फेर जांच बर आइस त ओखर बीपी, आरबीसी अउ हीमोग्लोबिन म सकारात्मक सुधार आइस। रामसुंदर बताइस कि अब मोला पहिली ले स्वास्थ्य बेहतर महसूस होत हे।
अइसनहे 2 बछर ले पेट पीरा के समस्या ले पीड़ित धीरसाय ह घलोक अपन अनुभव साझा करत बताइस कि इहां के इलाज अऊ दवई ले अब पूरा स्वस्थ हंव।
