मुख्यमंत्री हाट बाजार क्लीनिक ले ग्रामीण अंचल म स्वास्थ्य सेवा मन के विस्तार

राजनांदगांव, 27 नवम्बर 2020। मुख्यमंत्री हाट बाजार क्लीनिक योजना ले गांव वाले मन ल सुलभ स्वास्थ्य सेवा मन के उपलब्धता होवत हे। हाट बाजार म अवइया मनखे मन ल अब हाट बाजार म ही क्लीनिक ले स्वास्थ्य जांच अऊ उपचार के लाभ मिले ले आसानी हो गए हे।
राजनांदगांव जिला के सुदूर अंचल मानपुर, मोहला, अंबागढ़ चौकी के दूरस्थ अंचल मन म संचालित हाट बाजार म दैनिक उपयोग के चीज मन के खरीदी बर आए गांव वाले मन ये योजना ले लाभान्वित होवत हें। योजना ले लाभान्वित हितग्राही मन के उत्साहजनक परिणाम मिले ले मुख्यमंत्री हाट बाजार क्लीनिक योजना के विस्तार पूरा जिला के 84 हाट बाजार तक करे गए हे। मुख्यमंत्री हाट बाजार योजना के क्रियान्वयन ले मुख्यमंत्री श्री भूपेश बघेल अऊ स्वास्थ्य मंत्री श्री टीएस सिंहदेव के मंशानुरूप स्वास्थ्य सेवा मन के विस्तार आखरी मनखे तक होवत हे, जेखर से सार्वभौमिक स्वास्थ्य देखभाल के विस्तार होवत हे। बीमारी मन के प्रारंभिक स्तर ले पहिचान अऊ उपचार बर परामर्श मिले ले स्वास्थ्य सूचकांक के मानक मन ल प्राप्त करे म मुख्यमंत्री हाट बाजार क्लीनिक योजना महत्वपूर्ण योजना साबित होवत हे। अभी हाल म कोरोना संक्रमण ल देखत जरूरी सबो सावधानी अऊ प्रोटोकॉल अपनाके चिकित्सकीय टीम ह जांच अऊ उपचार करत हे। स्थानीय स्तर म ही स्वास्थ्य सुविधा मिले ले गांव वाले मन ल ईलाज म घलोक सुविधा मिलत हे।