हमर पारा हमर क्लीनिक योजना बनिस पहुंचविहीन क्षेत्र बर वरदान

जिला म 5885 क्लीनिक लगाके 149609 मनखे मन ल करे गीस लाभान्वित
जशपुरनगर, कलेक्टर श्री रितेश कुमार अग्रवाल के मार्गदर्शन म जिला म हफ्ता म एक दिन स्वास्थ्य सुविधा प्रदान करे बर जिला म हमर पारा हमर क्लीनिक योजना के आयोजन करे जात हे। जेखर से पहुंचविहीन अउ वनांचल क्षेत्र मन म घलोक योजना के तहत स्वास्थ्य कर्मि मन क्लीनिक लगाके स्वास्थ्य सेवा प्रदान करत हें। इही कड़ी म विकासखण्ड बगीचा के पहुंचविहीन पाठ क्षेत्र के ग्राम कपतुरा म हेल्थ अउ वेलनेस सेंटर मैना के स्वास्थ्य कार्यकर्ता मन हमर पारा हमर क्लीनिक के आयोजन करिन। जेमां 58 मरीज मन के स्वास्थ्य परीक्षण करके उपचार करे गीस अउ निःशुल्क दवई देहे गीस। जानबा हे कि हमर पारा हमर क्लीनिक म अब तक जिला म 5885 क्लीनिक लगाके 149609 मनखे मन ल लाभान्वित करे जा चुके हे अऊ अभी हाल म जिला म संचालित एनीमिया फ्री जशपुर अभियान के तहत् हिमोग्लोबिन जांच के घलोक हमर पारा हमर क्लीनिक म करे जात हे।