बलौदाबाजार. रिसदा ले निकल के जर्मनी के हैमबर्ग यूनिवर्सिटी (Hamburg University) के वैज्ञानिक मन के संग दू बरस ब शोध करे पहुंचे चिराग बंजारे ह मुख्यमंत्री भूपेश बघेल के आभार जताइस हे। जर्मनी जाए ब ओला चार लाख रुपिया के राशि अनुदान देहे के घोषणा करे गए रहिस हे. जेकर ब ओकर पिताजी ल चेक के माध्यम ले चार लाख के राशि दीए गईस. एकर जानकारी चिराग ल मिलते ही जर्मनी ले ही चिराग बंजारे ह सीएम भूपेश ल हमर कका भूपेश बघेल बोलत हुए आभार प्रकट करिस.
चिराग ह सोशल मीडिया म वीडियो जारी कर के खुशी जाहिर करिस हे । अउ संग जी ओ ह जर्मनी भेजे ब सहयोग अउ मुख्यमंत्री के शिक्षा के प्रति विचारधारा के तारीफ करिस। चिराग ह अपील करिस हे कि ओकर जईसे अनेक छात्र-छात्रा हे जो पढ़ना चाहत हे, लेकिन आर्थिक तंगी के कारण आघू नई बढ़ पाथ हे । उहु मन के मदद करे ब कहिस हे अउ संग ही ओ ह मुख्यमंत्री के बढ़िया स्वास्थ्य के कामना करिस।
वीडियो म चिराग ह कहिस कि प्रदेश के मुखिया हमर कका मुख्यमंत्री भूपेश बघेल के रहत कोनो ल चिंता करे के जरूरत नइ हे. चाहे वो किसान हो, मजदूर हो, व्यापारी हो, बहिनी मन हो अउ पढ़ईया लईका हो, सबके चिंता ल दूर करे के काम मुख्यमंत्री भूपेश बघेल करत हे. एकरे परिणाम हवय कि आज जर्मनी म मै ह शोध करे बर आय हव अउ ये संभव होईस हमर मुख्यमंत्री अउ हमर साथी मन के सहयोग से। मैं मुख्यमंत्री जी ल बहुत बहुत धन्यवाद देवत हव कि मोर शोध ल पूरा करे बर चार लाख रुपया के सहयोग करिस हवय अउ चेक मोर पिताजी ल मिल गे हवय। बहुत बहुत धन्यवाद।
बलौदाबाजार रिसदा ले निकल के जर्मनी के हैमबर्ग यूनिवर्सिटी पहुंचे चिराग बंजारे ह मुख्यमंत्री के जताईस आभार
