रायपुर, मुख्यमंत्री श्री विष्णु देव साय ह कहे हें के पारंपरिक रूप ले बुनाई, कढ़ाई, हस्तशिल्प अऊ माटी कला ले जुड़े कारीगर मन के जीवन ल बेहतर बनाए बर विशेष रणनीति तैयार करे जाय। उमन कहिन के पीढ़ी दर पीढ़ी ए काम म लगे मनखे मन के आजीविका ल पुनर्जीवित करना अऊ उंखर आय बढ़ाना राज्य सरकार के प्राथमिकता हे।
मुख्यमंत्री श्री विष्णु देव साय ह काली मंत्रालय महानदी भवन म ग्रामोद्योग विभाग के काम मन अऊ गतिविधि मन के समीक्षा बैठक लीन। ए बेरा म राज्य म रेशम, हस्तशिल्प, खादी, हथकरघा अऊ माटीकला ले जुड़े पारंपरिक कारीगर, बुनकर अऊ उत्पाद मन ल प्रोत्साहन देहे अउ ऊंखर जीवन स्तर म सुधार बर योजना मन म विस्तार ले चर्चा करे गीस।
ए बेरा म मुख्य सचिव श्री अमिताभ जैन, मुख्यमंत्री के प्रमुख सचिव श्री सुबोध कुमार सिंह, मुख्यमंत्री के सचिव श्री राहुल भगत, सचिव ग्रामोद्योग श्री श्याम धावड़े, प्रबंध संचालक हस्तशिल्प अउर माटीकला बोर्ड श्री जे.पी. मौर्य संग विभागीय अधिकारी अउ कर्मचारी उपस्थित रहिन।
कला ल सम्मान अऊ कारीगर मन के समृद्धि हमर प्राथमिकता : मुख्यमंत्री श्री साय
