शिल्पी मन के हुनर ल नवा आयाम देहे हस्तशिल्प विकास बोर्ड देवत हे प्रशिक्षण
रायपुर, 11 जुलाई 2020। मुख्यमंत्री भूपेश बघेल के मंशा के मुताबिक ग्रामोद्योग मंत्री गुरु रूद्रकुमार के पहल म हस्तशिल्पकार मन के हुनर ल नवा पहिचान मिलत हे। हस्तशिल्प विकास बोर्ड कोति ले संचालित प्रशिक्षण केंद्र मन म शीसल शिल्प, बेलमेटल शिल्प अऊ बांस शिल्पकला के नवा शिल्पी मन के हुनर ल निखारे के प्रशिक्षण देहे जात हे।
छत्तीसगढ़ हस्तशिल्प विकास बोर्ड के महाप्रबंधक (विकास) श्री शंकर लाल धुर्वे ह बताइस के बस्तर संभाग के जिला बस्तर के ग्रामीण क्षेत्र मन म हस्तशिल्प कला के विकास-विस्तार अऊ हस्तशिल्प कला ले जुड़े मनखे मन ल रोजगार उपलब्ध कराए बर शीसल शिल्प, बेलमेटल शिल्प अऊ बांस शिल्पकला के 60 नवा हितग्राही मन ल 3 महिना के प्रशिक्षण जुलाई के पहिली हफ्ता ले देहे जात हे। उमन बताइस के बस्तर जिला म शीसल शिल्प कला के 20 प्रशिक्षार्थि मन ल ग्राम पंचायत गरावण्डकला के ग्राम पुजारीगुड़ा म एक जुलाई ले 30 सितमबर तक, बेलमेटल शिल्प कला के 20 प्रशिक्षार्थि मन ल गुनपुर ग्राम पंचायत के ग्राम आलवाही म 2 जुलाई ले एक अकटूबर तक अऊ ग्राम पंचायत तारागांव म संचालित केन्द्र म 3 जुलाई ले 2 अकटूबर तक विभाग कोति ले संचालित प्रशिक्षण केन्द्र मन म प्रशिक्षण देहे जात हे। प्रशिक्षण के समय सबो प्रशिक्षार्थि मन ल 1500 रूपिया प्रतिमाह छात्रवृत्ति अऊ कच्चा माल निःशुल्क प्रदान करे जाही।