रायपुर, 29 नवम्बर 2020। प्रदेश के 27 जिला म अध्ययनरत स्कूली बच्चा मन बर 59 लाख 95 हजार 712 यूनिफार्म के आपूर्ति हाथकरघा संघ ह करिन हे। राज्य हाथकरघा विकास अऊ विपणन सहकारी संघ रायपुर ले मिले जानकारी के अनुसार स्कूल शिक्षा विभाग के अंतर्गत राजीव गांधी शिक्षा मिशन अऊ लोक शिक्षा संचालनालय ल वर्ष 2020-21 म 27 जिला बर कुल 60 लाख 33 हजार 110 नग गणवेश के आपूर्ति करे जाय के रिहिस। एखर पहली राज्य के 26 जिला म 59 लाख 95 हजार 712 नग गणवेश के आपूर्ति करे जा चुके हे। हथकरघा संघ के सचिव ह बतइस कि बिलासपुर जिला के बिल्हा ब्लॉक म कोरोना संक्रमण के कारण गणवेश सिलाई अऊ आपूर्ति कार्य प्रभावित होइस। ओमन बतइस कि वस्त्र प्रोसेसिंग कार्य हैदराबाद म होथे, जिहा वर्षा के कारण कार्य बाधित होइस हे। ये वजह ले गणवेश के आपूर्ति समय म नई हो पइस।
गुरतुर गोठ बर- भीषम वर्मा