हथकरघा उद्योग ले जुडे़ ग्रामीण महिला मन ल मिलिस बुनकर गुड़ी के संजीवनी

मुख्यमंत्री श्री भूपेश बघेल ह धमतरी के अछोटा म करिस बुनकर गुड़ी के लोकार्पण
हथकरघा उद्योग ले महिला मन ह बनत हे आर्थिक रूप से सशक्त
मुख्यमंत्री कौशल विकास योजना ले काम सीख के सुरू करिस हथकरघा व्यवसाय
धमतरी, धमतरी के अछोटा गांव के रहोइया लक्ष्मी देवांगन कुछ बछर पहिली मजदूरी करत रहिस हे, लेकिन शारीरिक कठिनाइ के चलते ओला ये काम छोडे़ ब लागिस। एकर बाद लक्ष्मी ल मुख्यमंत्री कौशल विकास योजना के बारे म पता चलिस। लक्ष्मी ह ईहां चार महीना के हथकरघा उद्योग के प्रशिक्षण लिस अउ अपन घर म हथकरघा मशीन लगाइस.
मां अंगारमोती बुनकर सहकारी समिति मर्यादित अछोटा के माध्यम ले लक्ष्मी ल काम मिले लगिस अउ अब लक्ष्मी घर बईठे ही हर महीना हजारो रूपिया के आय कमात हे । ए समिति म लक्ष्मी असन ही अउ 97 महिला मन हथकरघा उद्योग ले जुड़ के ग्रामीण परिवेश म आर्थिक सशक्तिकरण के नवा कहानी लिखत हे.
अभी तक समिति के सदस्य मन के घर म व्यक्तिगत रूप ले बुनकर बुता करे जाथ रहिस हे। कई समूह सदस्य के घर म स्थान के कमी के चलते काम बुता बने ढंग ले संचालित नई हो पात रहिस हे ।ए समस्या ल दूरिहा करे ब महात्मागांधी औद्योगिक पार्क योजना अंतर्गत अछोटा गौठान म हथकरघा इकाई के स्थापना करे गईस हे।
मुख्यमंत्री श्री भूपेश बघेल ह समिति के सदस्य मन ल बुनकर गुड़ी लोकार्पित करिस हे ताकि सदस्य मन ल काम बुता करे मे आसानी हो। एकर ब हथकरघा उद्योग ले जुड़े सदस्य मन ह मुख्यमंत्री ल धन्यवाद देते हुए ओमन ल आम मजदूर ले हुनरमंद कारीगर बनाए ह आभार जतइस।