हाथकरघा वस्त्र प्रदर्शनी के होइस शुभारंभ,19 जून तक रहिही जारी

बलौदाबाजार, छ.ग. शासन ग्रामोद्योग विभाग कोति ले जिला हाथकरघा कार्यालय के माध्यम ले जिला मुख्यालय स्थित पं. वाल्मीकि शुक्ल स्मृति विप्र वाटिका म कोसा अउ कॉटन हाथकरघा वस्त्र प्रदर्शनी के शुभारंभ आज करे गीस। मुख्य अतिथि सेवक राम देवांगन भाटापारा जिला बलौदाबाजार संरक्षक प्रदेश देवांगन समाज छत्तीसगढ़ अउ केन्द्रीय सलाहकार अखिल भारतीय देवांगन समाज के कर कमल ले द्वीप प्रज्जवलित करके प्रदर्शनी के शुभारंभ करे गीस।
ये बेरा म जिला अध्यक्ष देवांगन समाज कुंजीलाल देवांगन, कमल नारायण वर्मा, पूर्व अध्यक्ष छ.ग. राज्य हाथकरघा विकास अउ विपणन संघ रायपुर कमल देवांगन उपस्थित रहिन। प्रदर्शनी के नोडल अधिकारी बी.आर. सेन्देरे सहायक संचालक हाथकरघा ह बताइस कि जिला स्तरीय हाथकरघा वस्त्र प्रदर्शनी विप्र वाटिका बलौदाबाजार म छ.ग. प्रदेश के 13 बुनकर सहकारी समिति मन के कई ठन स्टॉल लगाए गये हे। जेमे कोसा क्षेत्र के जॉंजगीर- चाँपा,रायगढ,कोरबा, बलौदाबाजार जिला के बुनकर मन हाथकरघा म बने कोसा के साड़ी, कुर्ता, शर्टींग, जैकेट, दुपट्टा, सॉल इत्यादी वस्त्र प्रदर्शनी सह विक्रय बर लगाये गए हे। अइसनहे कॉटन क्षेत्र के जिला राजनांदगांव के माँ बम्लेश्वरी बु. स. स. मर्या रामाटोला डोंगरगढ़ , जिला -धमतरी ले विकास बु. स. स. मर्या. कुरुद के बुनकर मन कोति ले हाथकरघा म निर्मित डबल बेडसीट, सिंगल बेडसीट, पिलो कवर, नेपकीन, दरी, आसन, टॉवेल गमछा, रुमाल आदि वस्त्र विक्रय बर लगाये गये हे।बलौदाबाजार-भाटापारा शहर म ए कपड़ा मन के भारी मॉग ल देखत फेर से ये यूनिक अउ आकर्षित वस्त्र प्रदर्शनी सह विक्रय के आयोजन करे गए हे। ये प्रदर्शनी ह आज 13 जून ले 19 जून तक रोजेच बिहनिया 11 बजे ले रात 9 बजे तक संचालित रहिही।