रायपुर, नेहा राठौर के खबर/ मुख्यमंत्री श्री भूपेश बघेल 6 अप्रेल के संझा राजधानी रायपुर के पंडित दीनदयाल उपाध्याय ऑडिटोरियम म आयोजित श्री हनुमान जन्मोत्सव म सामिल होइस। मुख्यमंत्री ह ए सुभ अवसर म भगवान श्री हनुमान ल नमन करत हुए प्रदेशवासी मन ल हनुमान जनम उत्सव के सुभकामना दीस। मुख्यमंत्री ह कार्यक्रम म गुरूदेव श्री सिद्धेश्वर ब्रम्हार्षि के छत्तीसगढ़ म अभिनंदन करत हुए ओकर आसिरबाद लिस अउ संग ही श्री बघेल ह दर्शक दीर्घा म बईठके श्रद्धालु मन के संग गुरूदेव के प्रवचन घलो सुनिस।
कार्यक्रम म नगरीय प्रशासन मंत्री डॉ. शिवकुमार डहरिया, संसदीय सचिव श्री विकास उपाध्याय, विधायक श्री सत्यनारायण शर्मा, छत्तीसगढ़ गृह निर्माण मंडल के अध्यक्ष श्री कुलदीप जुनेजा, छत्तीसगढ़ गउ सेवा आयोग के अध्यक्ष महंत डॉ. रामसुन्दर दास संग अनेक जनप्रतिनिधि, सरावगी परिवार के सदस्य अउ बडे़ संख्या म श्रद्धालुजन मन उपस्थित रहिस हे।
