राजधानी रायपुर म श्री हुनमान जन्मोत्सव म घलो होही सामिल
रायपुर, नेहा राठौर के खबर/ मुख्यमंत्री श्री भूपेश बघेल 6 अप्रैल के जशपुर, सरगुजा अउ राजधानी रईपुर म आयोजित अलग अलग कार्यक्रम म सम्मिलित होही। निर्धारित कार्यक्रम के अनुसार मुख्यमंत्री ह बिहनिया 11 बजे राजधानी रईपुर के पुलिस ग्राउण्ड हेलीपेड ले निकल के मझनिया 12.30 बजे जशपुर पहुंचही। मुख्यमंत्री मझनिया 12.35 बजे सरना पूजा स्थान, दीपू बगीचा म आयोजित खद्दी परब धरती पूजा (सरहुल) समारोह म सामिल होही। कार्यक्रम के बाद ओ ह ऊहं ले हेलीकॉप्टर ले रवाना होके मझनिया 2.25 बजे अम्बिकापुर के पी.जी. कॉलेज ग्राउण्ड पहुंचही अउ उहां सरहुल पूजा कार्यक्रम म सामिल होही। ओकर बाद म मुख्यमंत्री अम्बिकापुर के मझनिया 3.50 बजे रईपुर के लिए रवाना होही।
मुख्यमंत्री श्री बघेल राजधानी रईपुर के पंडित दीनदयाल ऑडिटोरियम म आयोजित ‘श्री हुनमान जन्मोत्सव’ कार्यक्रम म संझा 7.15 बजे सामिल होही।
