मुख्यमंत्री श्री बघेल ह प्रदेशवासी मन ल अकती के दीन शुभकामना

रायपुर, 14 मई 2021। मुख्यमंत्री श्री भूपेश बघेल ह प्रदेशवासी मन ल अकती के बधाई अऊ शुभकामना देहे हें। उमन ये बेरा म प्रदेशवासी मन के सुख-समृद्धि अऊ खुशहाली के कामना करे हें। मुख्यमंत्री ह कहिन के अक्षय तृतीया के शुभ अवसर म करे गए काम अक्षय माने जाथे। ये दिन बिहाव होना घलोक शुभ माने गए हे, ते पाए के भारत म बहुत बड़का संख्या म ये दिन बिहाव होथे। मुख्यमंत्री ह कहिन के ये समय पूरा विश्व कोरोना संक्रमण के आपदा ले जूझत हे। अइसन म कोरोना वायरस के रोकथाम अऊ बचाव बर सोशल के संग फिजिकल डिस्टेंसिंग घलोक बहुत मायने रखथे। मुख्यमंत्री ह अपील करे हें के अक्षय तृतीया के अवसर म जरूरी होए म ही बहुत कम पारिवारिक मनखे मन के संग फिजिकल डिस्टेंसिंग के पालन करत विवाह संपन्न करावयं। कोनो प्रकार के सामाजिक आयोजन झन करव, जेमां बड़ संख्या म मनखे सामिल होवयं।