जशपुर, 07 जून 2020। आन प्रदेस ले लहुटे छत्तीसगढ़ के मजदूर मन ल प्रदेश के क्वारेंटाईन सेंटर मन म मिलत सुविधा अऊ मनोरंजन के साधन मनले खुशी के माहौल हे। कोरोना संक्रमण ले बचाव बर ग्रामीण क्षेत्र मन म बनाय गए क्वारेंटाईन सेंटर मन म रहईया मजदूर न केवल इहां रहिके कोरेंटाईन अवधि पूरा करत हें, भलुक क्वारंटाईन सेंटर मन के रंगाई-पोताई, बागवानी अऊ सौंदर्यीकरण म घलोक अपन योगदान देवत हें।
जशपुर जिला के ग्रामीण क्षेत्र मन म बनाय गए क्वारंटाईन सेंटर मन म मजदूर मन ल भोजन, नास्ता, चिकित्सा सुविधा देहे जात हे। एखर अलावा ऊंखर मनोरंजन बर टी.वी. अऊ रेडियो के व्यवस्था करे गए हे। ए सेंटर मन म रहत गर्भवती महिला मन ल पोसक आहार अऊ बेरा-बेरा म ओ मन ल नजदीकी अस्पताल म ले जाके चिकित्सकीय परीक्षण कराए जात हे। जिला म 699 क्वारंटाईन सेंटर बनाय गए हे। एमां करीबन 3 हजार 974 प्रवासी श्रमिक अउ आन मनखे मन ल क्वारंटाईन म रखे गए हे। जेमां 3 हजार 300 पुरूष अऊ 625 महिला हें। एमां 28 गर्भवती महिला मन घलोक सामिल हें।
केरल ले वापस लहुटे कुनकुरी विकासखण्ड के ग्राम भण्डरी निवासी गर्भवती महिला श्रीमती अंजूलता लकड़ा ह बताइस के क्वारंटाईन सेंटर म घर जइसे माहौल मिलत हे। सेंटर म ओ मन ल फल, दूध अउ जरूरी पोषण आहार मिलत हे। सेंटर म सबो मूलभूत सुविधा उपलब्ध हे। महाराष्ट्र ले वापस लहुटे गर्भवती महिला श्रीमती राजकिशोरी कुजूर ह घलोक क्वारंटाईन सेंटर म घर जइसे माहौल मिलत हे ये बात बताइस। ए प्रवासी महिला मन ह प्रदेश वापसी के बाद प्रशासन के माध्यम ले मिलत सुविधा मन बर मुख्यमंत्री श्री भूपेश बघेल के प्रति आभार व्यक्त करे हें।
