गरियाबंद : सोलर नल जल प्रदाय योजना ले कामरभौदी गांव म पहुंचिस हर घर जल

गांव वाले मन ल आसानी ले मिलत हे पीए के पानी
गरियाबंद, गरियाबंद विकासखण्ड के दूरस्थ वनांचल ग्राम पंचायत डुमरबाहरा के आश्रित ग्राम कामरभौदी जिला मुख्यालय ले लगभग 54 कि.मी. दूरी म स्थित हे। ये गांव पहाड़ अउ घना जंगल ले घिरे हे। ग्राम कामरभौदी अतिसंवेदनशील क्षेत्र होए अउ विकट भौगोलिक स्थिति होए के सेती मनखे मन ल विकास ले संबंधित समस्या मन के सामना करना परत रहिस। जिला प्रशासन ह मनखे मन के समस्या ल ध्यान म रखत  गांव म सुविधा मन के विकास करे जात हे। इही कड़ी म गांव म सोलर माध्यम ले नलजल प्रदाय योजना संचालित करे जात हे। एखर माध्यम ले मनखे मन ल घर म ही पीए के पानी मिले लगे हे। एखर से ग्रामीणजन लाभान्वित होवत हे। कामरभौदी मुख्यतः आदिवासी ग्राम हे, इहा लगभग 400 मनखे निवास करथें। ए गांव म कुल घर 94 हे। लोक स्वास्थ्य यांत्रिकी विभाग ह जल जीवन मिशन योजना अंतर्गत कुल 02 नग 6 मी. स्टेजिंग सोलर अऊ 01 जीआई 12 मी. स्टेजिंग सोलर 5000 लीटर के 02 टंकी ले पानी सप्लाई करत हे। गांव म पेयजल बर मनखे पहिली नदी, तालाब, झरिया अऊ शासकीय हैण्ड पंप उपर निर्भर रहिन। कमार पारा, भोरीपारा, कामरभौदी अउर तुहापानी चार अलग अलग पारा  ये ग्राम म हे। नलजल कनेक्शन पहुंचे ले गांव म आंगनबाड़ी, शासकीय शाला म अध्ययनरत बच्चा मन ल मध्यान भोजन बर पेयजल प्राप्त होवत हे। पहिली पारंपरिक तौर म पीए के पानी ल कपड़ा के छन्नी ले छान के मटकी गुंडी आदि म संग्रहित करके आवश्यकतानुसार खाना बनाए अऊ पीए बर उपयोग करत रहिन। ग्रामीण पीए के पानी के शुद्धता के माप पानी के मटमैला रंग ल देखके करत रहिन। फेर अब जल जीवन मिशन के माध्यम ले हर घर जल पहुंचाए जात हे। जेखर से नवा पीढ़ी अउर गांव वाले मन ल पीए के स्वच्छ जल आसानी ले घर पहुंच मिलत हे।