मुख्यमंत्री ह सामरी क्षेत्र ल दीन 59 करोड़ रूपिया के विकास कार्य के सौगात
चांदो ल तहसील बनाए के घोषणा
रायपुर, मुख्यमंत्री श्री भूपेश बघेल ह कहिन हे कि चाहे जऊन हो जाए, छत्तीसगढ़ सरकार अपन किसान मन के धान 2500 रूपिया प्रति कुंटल के दर ले बिसाही। उमन एखर बर छत्तीसगढ़ के मनखे अऊ किसान मन ले सहयोग अऊ समर्थन के आग्रह करे हें। मुख्यमंत्री श्री बघेल आज बलरामपुर-रामानुजगंज जिला के सामरी विधानसभा क्षेत्र के ग्राम श्रीकोट म आयोजित लोकार्पण अऊ शिलान्यास समारोह ल संबोधित करत रहिन। उमन आगू कहिन कि किसान मन ल उंखर उपज के वाजिब मूल्य देना अऊ 2500 रूपिया कुंटल म धान खरीदना अपराध नइ हे। कार्यक्रम म उपस्थित हजारों गांव वाले मन ह हाथ उठाके ये बात के समर्थन करिन। मुख्यमंत्री ह ये मौका म सामरी विधानसभा क्षेत्र ल 59 करोड़ रूपिया के लागत के विकास कार्य के लोकार्पण अऊ शिलान्यास करिन। सामरी विधायक श्री चिंतामणि महाराज के मांग म मुख्यमंत्री ह चांदो ल तहसील बनाए के संग ही आन मांग मन ल बजट म सामिल करे के बात कहिन।
ये बेरा म कार्यक्रम म सरगुजा विकास प्राधिकरण के अध्यक्ष श्री खेल साय सिंह, जशपुर विधायक श्री विनय भगत, लुन्ड्रा विधायक डॉ.प्रीतम राम, भटगांव श्री पारसनाथ, पूर्व विधायक श्री महेश्वर पैंकरा संग सर्व श्री अशोक, हरीश मिश्रा, अब्दुल्ला खान, सत्यनारायण सिंह, टी.पी.गुप्ता, बहादुर जी अऊ आन जनप्रतिनिधि अऊ बड़ी संख्या म ग्रामीणजन उपस्थित रहिन।