मंदिर मन म चढ़े अऊ मुख्यमंत्री निवास ले मिले फूल मन ले महिला समूह मन ह बनाइन हर्बल गुलाल

रायपुर, 08 मार्च 2020। ये होली के पर्व म बिहान स्व-सहायता समूह के महिला मन ह कवर्धा के भोरमदेव मंदिर म चढ़े फूल अऊ मुख्यमंत्री निवास ले मिले गुलदस्ता मन ले हर्बल गुलाल तियार करके मनखे मन ल हर्बल रंग ले होली खेले के सौगात देहे हें। मुख्यमंत्री श्री भूपेश बघेल ले काल इहां ऊंखर निवास कार्यालय म रायपुर जिला के सेरीखेड़ी महिला स्व-सहायता समूह अऊ कबीरधाम जिला के जय गंगा मईया महिला स्व-सहायता समूह के प्रतिनिधि मंडल ह मुलाकात करिन अऊ मुख्यमंत्री ल उमन फूल ले बने हर्बल गुलाल भेंट करिन। मुख्यमंत्री श्री बघेल ह महिला समूह मन ल हर्बल गुलाल के निर्माण बर संचालित गतिविधि मन म अपन बधाई अऊ शुभकामना दीन। उमन ए महिला समूह मन के अभिनव पहल के खूब सराहना करिन। महिला समूह मन कोति ले मंदिर म चढ़े अऊ मुख्यमंत्री निवास ले मिले फूल मन के बेहतरीन ढंग ले उपयोग करके हर्बल गुलाल बनावत हें।