बलरामपुर, 04 मार्च 2021। रंग के तिहार होली अवइया हे, रंग के ये तिहार हमला प्रकृति के अऊ नजदीक लेके जाथे अऊ रंग-गुलाल के संग एला मनाए के परम्परा हे। बलरामपुर के महिला समूह मन ह ये पईत होली के तिहार नवा ढंग ले मनाए के तैयारी करे हें। जिहां एक कोति बाजार म रासायनिक रंग-गुलाल उपलध हे उहें ए महिला मन ह पालक, चुकन्दर, सिन्दूर अउ हल्दी ले हर्बल गुलाल तियार करे हें अऊ रसायनिक रंग रंग के जगा ये पईत प्राकृतिक रंग ले होली मनाए के बात करत हें। प्राकृतिक रंग के मांग ल देखत महिला मन ह एकर विक्रय घलोक चालू करे हें जेखर से ओ मन ल बने आय होवत हे।
प्राकृतिक रंग ले मनाए जाही होली के तिहार
