केमिकल वाले रंग ले मिलही छुटकारा, हर्बल गुलाल ले रंगही होली

कोरिया, रंग के तिहार होली के खुशि ल दुगुना करे जिला म स्व सहायता समूह के महिला मन अभी ले तियारी म जुट गए हें। जिला म महिला मन हर्बल गुलाल बनाए के काम करत हें, पउर साल घलोक महिला मन ल हर्बल गुलाल ले बनेच आमदनी होए रहिस। केमिकल वाले रंग-गुलाल ले त्वचा अऊ स्वास्थ्य सम्बन्धी गम्भीर समस्या होथे, हर्बल गुलाल के प्राकृतिक रंग के माध्यम ले साइड इफेक्ट ले घलोक छुटकारा मिलथे।
जिला म कुल 05 स्व सहायता समूह के 21 महिला मन गुलाल बनाए के शुरुआत करे हें। विकासखण्ड बैकुण्ठपुर के ग्राम बस्ती के श्री राधे स्व सहायता समूह, ग्राम बड़गांव के मां अम्बे स्व सहायता समूह अऊ विकासखण्ड सोनहत के ग्राम भैंसवार के सागर स्व सहायता समूह, ग्राम कटगोड़ी के क्रांति स्व सहायता समूह, सोनहत के संघर्ष स्व सहायता समूह के महिला मन गुलाल बनावत हें। महिला मन ह अब तक करीबन 105 किलोग्राम गुलाल तियार करे हें। जिला म कई जगा स्टॉल लगाके गुलाल बेंचे जाही, एखर संगेच सी मार्ट म घलोक ये हर्बल गुलाल उपलब्‍ध होही।