सफलता बर कड़ा मेहनत जरूरी : श्री चौबे
रायपुर, 16 फरवरी 2020। कृषि अउ जल संसाधन मंत्री श्री रविन्द्र चौबे ह आज राजधानी रायपुर स्थित शहीद स्मारक भवन म एक निजी कोचिंग संस्थान कोति ले आयोजित समारोह म राज्य सेवा परीक्षा म चुने गए युवा प्रतिभा मन ल सम्मानित करिन। उमन ऊंखर उज्जवल भविष्य बर शुभकामना दीन।
कृषि मंत्री श्री चौबे ह कहिन कि छत्तीसगढ़ खनिज, श्रम अऊ वन आदि प्राकृतिक सम्पदा मन ले भरपूर राज्य हे। एला देश के समृद्ध राज्य के रूप म पहिचान देहे म अपन प्रशासनिक दक्षता के उपयोग करत जादा ले जादा योगदान देवव। श्री चौबे ह राज्य सेवा परीक्षा म चुने गए युवा मन के उत्साहवर्धन करत कहिन कि सफलता बर कड़ा मेहनत जरूरी हे। आत्मविश्वास, अनुशासन अऊ कड़ा मेहनत ले मनखे कोनो क्षेत्र म सफलता हासिल कर सकत हें। उमन अवगत कराइन कि खुद के मेहनत मनखे के सफलता के सबले बड़े पूंजी होथे।
