मुख्यमंत्री निवास म हरेली तिहार: दिखी परंपरा अऊ प्रगति के गजब झलक

पारंपरिक-आधुनिक कृषि यंत्र, लोक पोशाक के आकर्षक प्रदर्शनी मुख्यमंत्री ह सराहना करिन अऊ कहिन- हरेली प्रकृति के प्रति सम्मान के तिहार
रायपुर, छत्तीसगढ़ के सांस्कृतिक अस्मिता अउ कृषि परंपरा के प्रतीक हरेली तिहार ए साल मुख्यमंत्री श्री विष्णु देव साय के निवास परिसर म अड़बड़ उछाह अउ गरिमा के संग मनाए गीस। ए बेरा म राज्य के समृद्ध विरासत, पारंपरिक कृषि यंत्र, लोक परिधान, खानपान अउ आधुनिक कृषि तकनीक के समन्वयन एक अद्भुत नजारा के रूप म आगू आईस।
महोत्सव के दौरान मुख्यमंत्री निवास म पारंपरिक अउ आधुनिक कृषि यंत्र मन के प्रदर्शनी आयोजित होइस। मुख्यमंत्री श्री साय ह प्रदर्शनी स्थल के दौरा करिन अउ कइ ठन पारंपरिक यंत्र अउ वस्तु मन के अवलोकन करिन। प्रदर्शनी म काठा, खुमरी, झांपी, कांस्य के डोरी अउ तुतारी जैसे ऐतिहासिक कृषि यंत्र मन के प्रदर्शनी कृषि विभाग कोति ले आयोजित करे गए रहिस जेमा आधुनिक कृषि यंत्र के प्रदर्शनी, जेमा नांगर, कुदारी, रांपा, रोटावेटर, बीज ड्रिल, पावर टिलर अउ स्प्रेयर जइसे यंत्र मन के प्रदर्शनी आयोजित करे गीस।
मुख्यमंत्री श्री साय ह कहिन के हरेली तिहार सिरिफ तिहार नो हे बल्कि हमर कृषि जीवन, पशुधन अऊ प्रकृति के प्रति सम्मान के प्रतीक हे। ए बेरा म आयोजित प्रदर्शनी किसान, युवा अऊ आमजन बर ज्ञानवर्धक अऊ प्रेरणादायक रहीस। मुख्यमंत्री ह ए उपकरण मन के जानकारी लेके कृषि तकनीकी प्रगति के सराहना करिन अऊ कहिन के छत्तीसगढ़ के खेती अऊ परंपरा प्रौद्योगिकी के समन्वय ले अऊ जादा लाभदायक अऊ टिकाऊ बनही।