हरेली तिहार म एक पेड़ माँ के नाम लगाय के अपील करिन
रायपुर, 03 अगस्त 2024। मुख्यमंत्री श्री विष्णु देव साय ह प्रदेशवासी मन ल हरेली तिहार के बधाई अऊ शुभकामना देहे हे। अपन शुभकामना संदेश म श्री साय ह कहे हें के छत्तीसगढ़ के संस्कृति इहां के उत्सव म प्रमुखता ले देखाई देथे। छत्तीसगढ़ के लोक तिहार हरेली छत्तीसगढ़ के जन-जीवन म रचे-बसे खेती-किसानी ले जुड़े पहिला तिहार हे। ये मां बने फसल के कामना के संग खेती-किसानी ले जुड़े औजार मन के पूजा करे जाथे। ए दिन धरती माता के पूजा करके हम भरण पोषण बर ओखर आभार व्यक्त करत हन। मुख्यमंत्री ह नागरिक मन ले अनुरोध करत कहिन हे के ए पइत हम धरती माता के आभार उंखर पूजा करे के संग ’एक पेड़ माँ के नाम’ लगावव अऊ हरेली के खुशि मनावव। श्री साय ह कहिन कि हरेली तिहार प्रदेशवासी मन के जीवन म खुशि अऊ समृद्धि लेके आवय।
