रायपुर, मुख्यमंत्री भूपेश बघेल ह आज मुख्यमंत्री निवास म छत्तीसगढ़ के पहिली तिहार हरेली के अवसर म कृषि यंत्र मन के विधिवत पूजा अर्चना करिन। गौमाता ल मुख्यमंत्री जी ह चारा खवाईन अऊ उंखर पूजा करिन। उखर बंगला म राउत नाचा, करमा नृत्य, आदिवासी नृत्य के लोक कलाकार मन परंपरागत छत्तीसगढ़िया वाद्य यंत्र मन के धुन म थिरकत रहिन। हरेली परब म पूजा अर्चना करके मुख्यमंत्री ह के प्रदेश के खुशहाली के कामना करिन।
मुख्यमंत्री निवास म आयोजित हरेली परब के कार्यक्रम म गृह मंत्री श्री ताम्रध्वज साहू, वन मंत्री श्री मोहम्मद अकबर, उद्योग मंत्री श्री कवासी लखमा, खाद्य मंत्री श्री अमरजीत भगत, स्कूल शिक्षा मंत्री डॉ. प्रेमसाय सिंह टेकाम, महिला एवँ बाल विकास मंत्री श्रीमती अनिला भेंड़िया, संसदीय सचिव श्री चिंतामणि महाराज, श्री चन्द्रदेव राय, गौ सेवा आयोग के अध्यक्ष महंत राजेश्री राम सुंदर दास, राज्य महिला आयोग के अध्यक्ष डॉ. किरणमयी नायक, राज्य खाद्य आपूर्ति निगम के अध्यक्ष श्री रामगोपाल अग्रवाल,छत्तीसगढ़ राज्य खनिज विकास निगम के अध्यक्ष श्री गिरीश देवांगन, मुख्यमंत्री के सलाहकार श्री प्रदीप शर्मा विधायक श्री सतनारायण शर्मा, श्री अनूप नाग, श्री चन्दन कश्यप, श्रीमती अनिता योगेन्द्र शर्मा महापौर श्री एजाज ढेबर, सभापति श्री प्रमोद दुबे, पूर्व सांसद श्रीमती छइंहा वर्मा संग अड़बड़ झन म मनखे उपस्थित रहिन।
मुख्यमंत्री निवास म हरेली म कृषि यंत्र मन के विधिवत पूजा अर्चना
