हर घर तिरंगा अभियान म सामिल होइन उपमुख्यमंत्री श्री विजय शर्मा

रायपुर घर म तिरंगा फहराके आजादी के अमृत महोत्सव म करिन भागीदारी
उपमुख्यमंत्री ह प्रदेशवासी मन ले “हर घर तिरंगा” लगाय के करिन अपील
रायपुर, माननीय यशस्वी प्रधानमंत्री श्री नरेंद्र मोदी जी के आह्वान म चलाए जात हर घर तिरंगा #HarGharTiranga अभियान के अंतर्गत उपमुख्यमंत्री श्री विजय शर्मा ह आज अपन रायपुर स्थित घर म तिरंगा लगाके आजादी के अमृत महोत्सव म सहभागिता करिन। उमन ए अवसर म प्रदेशवासी मन ल संदेश देवत कहिन के तिरंगा हमार देश के आन, बान अऊ शान के चिनहारी ये अऊ ये हम सबो ल एकता, साहस अऊ बलिदान के सुरता देवाथे।
उपमुख्यमंत्री श्री शर्मा ह प्रदेश के सबो नागरिक मन ले आह्वान करिन के ओ मन हर घर तिरंगा अभियान ले जुड़ंय, अपन-अपन घर मन म तिरंगा लगावंय अऊ ए ऐतिहासिक पहल ल सफल बनावंय। उमन कहिन के तिरंगा लगाना केवल देशभक्ति के चिनहा नो हे, बल्कि स्वतंत्रता संग्राम म बलिदान देवइया वीर मन के प्रति कृतज्ञता के भाव घलोक हे।
उमन सबो ले अनुरोध करिन के ओ मन अपन तिरंगा के संग फोटो लेके #HarGharTiranga अभियान के हिस्सा बनय अऊ एला साझा करंय, ताकि ये संदेश जन-जन तक पहुंचय अऊ देशभक्ति के भावना अऊ प्रबल होवय।