जिला म 40 हजार पौधा रोपित करे गीस
मुंगेली, गुरूपूर्णिमा के अवसर म आज मुंगेली जिला म हरियर छत्तीसगढ़ योजना के तहत पर्यावरण संतुलन के संगें-संग जिला ल हरा-भरा बनाए, हरियाली बर मनखे मन ल जागरूक करे अऊ ‘हरियर मुंगेली-सुघ्घर मुंगेली’ बर सबो 1 हजार 62 स्कूल अऊ 1 हजार 71 आंगनबाड़ी केंद्र मन म अधिकारी मन, जनप्रतिनिधि मन, शिक्षक मन, नागरिक मन, पढ़ईया लईका मन, लइका मन अऊ मीडिया प्रतिनिधि मन ह उत्साह ले करीबन 40 हजार पौधरोपण करिन।
जिला पंचायत के अध्यक्ष श्रीमती कृष्णा बघेल अऊ जिला पंचायत सदस्य श्रीमती उर्मिला यादव, जिला कार्यक्रम अधिकारी श्री राजेंद्र कश्यप ह आंगनबाड़ी केंद्र धरमपुरा, दशरंगपुर अऊ किशनपुर म पौधरोपण करिन। कलेक्टर डॉ. सर्वेश्वर नरेंद्र भुरे अऊ जिला पंचायत के मुख्य कार्यपालन अधिकारी श्री लोकेश चंद्राकर ह गुरूपूर्णिमा के दिन जिला के विकासखण्ड लोरमी के शासकीय उच्चतर माध्यमिक विद्यालय लालपुर, बीआरसाव उ.मा.वि. मुंगेली अऊ शासकीय हायर सेकण्डरी स्कूल करही म लइका मन के संग वृक्षारोपण करिन।
