रायपुर, मुख्यमंत्री श्री भूपेश बघेल ह आज अपन निवास म आयोजित जन चौपाल भेंट मुलाकात म रायपुर पश्चिम क्षेत्र के ठक्कर बापा वार्ड निवासी छात्र हर्ष चावड़ा ल उच्च शिक्षा बर एक लाख के आर्थिक सहायता राशि स्वीकृत करिन।
हर्ष ह बताइस कि वोला कक्षा 12वीं म 92 प्रतिशत अंक मिले रहिस, फेर परिवार के आर्थिक स्थिति अच्छा नइ होए के सेती उच्च शिक्षा के पढ़ाई नइ कर पावत हे। विधायक श्री विकास उपाध्याय के अनुशंसा के संग हर्ष ह जनचौपाल म आवेदन दीस जेमा मुख्यमंत्री श्री बघेल ह एक लाख रुपए के सहायता राशि स्वीकृत करिस। अब हर्ष सीए के पढ़ाई आसानी ले कर सकही। हर्ष ह आर्थिक सहयोग बर मुख्यमंत्री के प्रति आभार व्यक्त करिस।
