रायपुर, मुख्यमंत्री श्री भूपेश बघेल ह आज इहां विधानसभा परिसर स्थित अपन कार्यालय कक्ष म दक्षिण भारत के अग्रणी डिजिटल न्यूज नेटवर्क ’हैशटैग यू’ के छत्तीसगढ़ संस्करण लॉच करिन। ’हैशटैग यू छत्तीसगढ़’ हिन्दी म होही अऊ ये मां छत्तीसगढ़ ले संबंधित महत्वपूर्ण समाचार अऊ रिपोट प्रकाशित करे जाही। ’हैशटैग यू’ के सीईओ श्री दिनेश अकुला ह मुख्यमंत्री ल बताइस कि ’हैशटैग यू’ ल एक साल पहिली तेलुगु म लॉन्च करे गए रहिस। ये तेलुगु मीडिया म अग्रणी वेबसाइट अऊ यू ट्यूब चैनल म ले एक हे। निकट भविष्य म मनोरंजन वेबसाइट के अलावा नेटवर्क 6 आन भाषा मन म लॉन्च करे जात हे। उमन बताइन कि ये डिजिटल नेटवर्क गहन विश्लेषण अऊ बारीकी के संग समाचार ल कवर करथे। पाठक मन तक जल्दी समाचार के सम्प्रेषण के प्रयास करे जाथे। मुख्यमंत्री श्री बघेल ह ये डिजिटल न्यूज नेटवर्क के छत्तीसगढ़ संस्करण के शुभारंभ के अवसर म श्री अकुला अऊ नेटवर्क के डिजिटल हेड श्री प्रफुल्ल पारे ल बधाई अऊ शुभकामना दीन।
मुख्यमंत्री ह दक्षिण भारत के अग्रणी डिजिटल न्यूज नेटवर्क ’हैशटैग यू’ के छत्तीसगढ़ संस्करण के करिन शुभारंभ
