- मलेरिया, एचआईव्ही, मधुमेह, एनिमिया, टीबी, कुष्ठ, जादा रक्तचाप अऊ नेत्र विकार मन के जांच के संगेच नइका मन अउ गर्भवती महिला मन के टीकाकरण
- प्रदेश के 1851 हाट-बाजार मन म गांव वाले मन के निःशुल्क जांच, उपचार व दवई
रायपुर, 15 फरवरी 2020। छत्तीसगढ़ के वनांचल अऊ ग्रामीण इलाका मन के हाट-बाजार मन म स्वास्थ्य विभाग के मेडिकल टीम कोति ले दस लाख तीन हजार 678 मनखे मन ल इलाज मुहैया कराए गए हे। हाट-बाजार मन के क्लिनिक म पहुंचे नौ लाख पांच हजार 473 मरीज मन ल जांच अउ उपचार के बाद निःशुल्क दवई देहे गए हे। मुख्यमंत्री हाट-बाजार क्लिनिक योजना के अंतर्गत प्रदेश के एक हजार 851 हाट-बाजार मन म क्लिनिक लगाए जात हे। स्वास्थ्य विभाग कोति ले योजना शुरू होए के बाद ले कुल 17 हजार 150 हाट-बाजार क्लिनिक आयोजित करे गए हे।
हाट-बाजार क्लिनिक म जरूरतमंद मन ल निःशुल्क उपचार, चिकित्सीय परामर्श अऊ दवई उपलब्ध कराए के संगेच मोबाइल मेडिकल यूनिट ले मलेरिया, एचआईव्ही, मधुमेह, एनिमिया, टीबी, कुष्ठ रोग, उच्च रक्तचाप अऊ नेत्र विकार मन के जांच घलोक करे जात हे। ए क्लिनिक मन म लइका अऊ गर्भवती महिला मन के टीकाकरण घलोक करे जात हे। अप्रैल-2019 ले वनांचल मन म अऊ 2 अकटूबर 2019 ले ग्रामीण क्षेत्र मन म शुरू मुख्यमंत्री हाट-बाजार क्लिनिक योजना के अंतर्गत अब तक 90 हजार 464 मनखे मन के मलेरिया जांच करे गए हे। पॉजिटिव पाए गे तीन हजार 821 मरीज मन के उपचार घलोक ए क्लिनिक मन म करे गए हे।
योजना के अंतर्गत चार लाख 25 हजार 011 मनखे मन के एच्च रक्तचाप, दू लाख 99 हजार 011 मनखे मन के मधुमेह, 84 हजार 201 मनखे मन के रक्त-अल्पता (एनिमिया) अऊ 23 हजार 584 मनखे मन के नेत्र विकार मन के जांच करे गए हे। हाट-बाजार क्लिनिक मन म तीन हजार 619 मनखे मन के टीबी (क्षय रोग), दू हजार 869 मनखे मन के कुष्ठ अऊ तीन हजार 016 मनखे मन के एचआईव्ही जांच घलोक करे गए हे। ए दौरान 21 हजार 176 गर्भवती महिला मन के जांच अऊ तीन हजार 720 नइका मन ल टीका लगाए गए हे। हाट-बाजार क्लिनिक मन म 16 हजार 357 डायरिया पीड़ित मन के घलोक उपचार करे गए हे।
मुख्यमंत्री हाट-बाजार क्लिनिक योजना ए साल 10 फरवरी तक प्रदेश के एक हजार 851 हाट-बाजार मन म शुरू करइया हे। राज्य शासन कोति ले लगातार एकर विस्तार करे जात हे। ए क्लिनिक मन के माध्यम ले अब तक धमतरी जिला म चार लाख 14 हजार 908, बालोद म एक लाख 984, राजनांदगांव म 78 हजार 579, गरियाबंद म 38 हजार 894, बिलासपुर म 36 हजार 841, दंतेवाड़ा म 30 हजार 753, जशपुर म 27 हजार 795, कांकेर म 23 हजार 597, महासमुंद म 22 हजार 818, रायगढ़ म 22 हजार 571, बलरामपुर-रामानुजगंज म 20 हजार 559, कोरिया म 20 हजार 412, दुर्ग म 19 हजार 311 अऊ कोंडागांव म 17 हजार 658 मनखे मन के इलाज करे गए हे।
मोबाइल मेडिकल यूनिट के माध्यम ले कबीरधाम जिला म 17 हजार 577, सरगुजा म 15 हजार 768, बीजापुर म 15 हजार 105, सूरजपुर म 14 हजार 589, बस्तर म 12 हजार 706, कोरबा म 12 हजार 554, सुकमा म 11 हजार 522, बेमेतरा म दस हजार 069, रायपुर म पांच हजार 697, मुंगेली म चार हजार 415, जांजगीर-चांपा म चार हजार 266, बलौदाबाजार-भाटापारा म दो हजार 814 अउ नारायणपुर जिला म 916 मनखे मन ल निःशुल्क चिकित्सा सुविधा उपलब्ध कराए गए हे।
