मुख्यमंत्री हाट-बाजार क्लीनिक योजना के अंतर्गत प्रदेश भर म अब तक कुल 1.11 लाख क्लीनिक आयोजित
1824 हाट-बाजार मन म मनखे मन के निःशुल्क जांच, उपचार अऊ दवई
रायपुर, छत्तीसगढ़ के वनांचल अऊ ग्रामीण इलाका मन के हाट-बाजार मन म स्वास्थ्य विभाग के मेडिकल टीम कोति ले 51 लाख 15 हजार 132 मनखे मन ल इलाज मुहैया कराए गए हे। मुख्यमंत्री हाट-बाजार क्लीनिक योजना के माध्यम ले प्रदेश के 1824 हाट-बाजार मन म क्लीनिक लगाके मनखे मन के निःशुल्क जांच अऊ उपचार करके दवई देहे जात हे। स्वास्थ्य विभाग कोति ले योजना के शुरूआत के बाद ले अब तक प्रदेश भर म कुल एक लाख दस हजार 988 हाट-बाजार क्लीनिक आयोजित करके स्वास्थ्य सेवा उपलब्ध कराए गए हे। योजना के अंतर्गत राज्य म 425 डेडिकेटेड ब्राडिंग वाहन अऊ चिकित्सा दल के माध्यम ले दूरस्थ अंचल मन म मनखे मन के इलाज करे जात हे।