रायपुर, 15 जुलाई 2024। उप मुख्यमंत्री श्री अरुण साव ह आज राजधानी रायपुर के शंकर नगर म एचडीएफसी बैंक के नवा शाखा के उद्घाटन करिन। उमन बैंक के अधिकारी अऊ खाताधारक मन ल बधाई देवत कहिन के एचडीएफसी बैंक ह कम समय म ही अपन सेवा ले राष्ट्रीय अऊ अंतरराष्ट्रीय स्तर म ख्याति हासिल करे हे। कोनो संस्थान के उत्कृष्ट प्रदर्शन म टीम-वर्क के अहम भूमिका होथे। उमन उम्मीद जताईन के एचडीएफसी बैंक के अधिकारी अऊ कर्मचारी अपन बेहतर टीम-वर्क ले रायपुरवासी मन ल बने सेवा प्रदान करहीं।
उप मुख्यमंत्री श्री साव ह विश्वास जताइन के एचडीएफसी बैंक ले बैंकिंग सेवा मन के जरूरत वाले योजना मन म राज्य सरकार अऊ हितग्राही मन ल पूरा सहयोग मिलही। बैंक के क्षेत्रीय प्रमुख श्री इकबाल सिंह ह उद्घाटन कार्यक्रम म एचडीएफसी बैंक के पाछू 30 बछर के सफर के जानकारी दीन। उमन बताइन के शंकर नगर के ये नवा शाखा छत्तीसगढ़ म बैंक के 204वां अऊ रायपुर शहर के 30वां शाखा ये। बैंक के सर्किल प्रमुख श्री दीपक अग्रवाल, श्री विकास गोयल, श्री सुबीर बनर्जी अऊ शाखा प्रबंधक श्री रवीश शाह घलोक उद्घाटन के मौका म मौजूद रहिन।