रायपुर, 12 नवम्बर 2020। स्वास्थ्य मंत्री टीएस सिंहदेव ह गुरुवार के अपन निवास कार्यालय ले 20 नवा एम्बुलेंस ल हरा झंडी दिखाके रवाना करिन। आपात स्थिति म मरीज अउ घायल मन ल अस्पताल तक पहुंचाय बर ये एम्बुलेंस विभिन्न जिला म भेजे जाही। सबो मिलाके अब स्वास्थ्य विभाग द्वारा 300 नवा एम्बुलेंस के माध्यम ले आपात चिकित्सा सुविधा तक जरूरतमंद मन ल पहुंचाय जा सकही। स्वास्थ्य विभाग के 108-संजीवनी एक्सप्रेस सेवा के संचालन बर राज्य शासन अउ जय अम्बे इमरजेंसी सर्विसेस के बीच प्रदेश भर म 300 एम्बुलेंस के संचालन बर एमओयू करे गे रिहिस। आज 20 नवा एम्बुलेंस के शुरूआत के बाद अब सबो 300 एम्बुलेंस आपात स्थिति म मरीज अउ घायल मन ल अस्पताल विभाग तक पहुंचाय बर मिल गेहे। 29 एडवांस्ड लाइफ सपोर्ट सिस्टम (ALSS) के सुविधा वाले एम्बुलेंस घलो शामिल हे। एडवांस्ड लाइफ सपोर्ट सिस्टम एम्बुलेंस आपातकालीन दवाई के संग ही वेंटिलेटर, डि-फ्रेबिकेटर अउ इनफ्यूजन पंप के सुविधा ले लैस हे।
स्वास्थ्य विभाग ल मिलिस 20 नवा एम्बुलेंस, स्वास्थ्य मंत्री सिंहदेव ह हरा झंडी दिखाके करिन रवाना
