रायपुर, 06 सितंबर 2024। स्वास्थ्य मंत्री श्री श्याम बिहारी जायसवाल ह कहिन कि बस्तर के आम नागरिक मन ल बेहतर स्वास्थ्य सुविधा उलब्ध होवय। एखर बर शासन हर जरूरी संसाधन तुरंत उपलब्ध कराए बर बाना बांधे हे। उमन नवीन सुपरस्पेशियल्टी अस्पताल के निर्माण काम ल दू महिना म पूरा करे के निर्देश देहे हें। संगेच सुपरस्पेशियल्टी अस्पताल के निर्माण काम बर दस करोड़ रुपिया के अकतहा राशि के स्वीकृति देहे हें। स्वास्थ्य मंत्री श्री जायसवाल के अध्यक्षता में स्व.श्री बलीराम कश्यप स्मृति शासकीय चिकित्सा महाविद्यालय के काउन्सिल हॉल म स्वशासी समिति के बैठक आयोजित रहिस। मंत्री ह कहिन कि अस्पताल म मरीज मन के हेल्प डेस्क म हॉस्पिटालिटी मैनेजमेंट ले संबंधित मनखे ल रखव, अस्पताल के सुरक्षा म पूर्व सैनिक के नेतृत्व सिक्योरिटी के व्यवस्था होवय, सीसीटीवी के व्यवस्था, आपातकाल बर हर कमरा म अलार्म के व्यवस्था, आधारभूत संरचना, मानव संसाधन के प्रस्ताव देहे के निर्देश दीन।
बस्तर के आम नागरिक मन ल बेहतर स्वास्थ्य सुविधा होवय उपलब्ध – स्वास्थ्य मंत्री श्री श्याम बिहारी जायसवाल
