स्वास्थ्य मंत्री श्री श्याम बिहारी जायसवाल ह प्राथमिक स्वास्थ्य केंद्र बंजारीडाड के करिन उदुपहा जांच

अस्पताल म भर्ती मरीज मन ले करिन बातचीत, सुविधा मन के लीन जायजा
मनेंद्रगढ़ , स्वास्थ्य मंत्री श्री श्याम बिहारी जायसवाल ह आज मनेंद्रगढ़ जिला के प्राथमिक स्वास्थ्य केंद्र बंजारीडाड के निरीक्षण करके मरीज मन ल देहे जात स्वास्थ्य सेवा, दवा के उपलब्धता, साफ-सफाई, डॉक्टर मन के उपस्थिति अऊ उपचार के गुणवत्ता के समीक्षा करिन।
स्वास्थ्य मंत्री ह मरीज मन अऊ परिजन मन ले सीधा गोठ-बात करके उंखर समस्या मन ल जानिन अऊ चिकित्सक अऊ मेडिकल स्टाफ ल जल्दी समाधान के निर्देश दीन।
निरीक्षण के समय मंत्री श्री जायसवाल ह अस्पताल म भर्ती मरीज मन ले मुलाकात करके ऊंखर स्वास्थ्य के जानकारी लीन अऊ उपचार अऊ मिलइया सुविधा मन के बारे म पूछिन। उमन मरीज मन के परिजन मन ले घलोक चर्चा करिन अऊ उंखर समस्या सुनिन। ए बेरा म उमन डॉक्टर्स, नर्सिंग स्टाफ अऊ आन कर्मचारी मन ले गोठ-बात करके मरीज मन के देखभाल म अऊ जबर संवेदनशीलता बरते के निर्देश दीन।
मंत्री श्री जायसवाल ह कहिन के राज्य सरकार सबो ल गुणवत्तापूर्ण स्वास्थ्य सुविधा उपलब्ध कराए बर बांना उंचाए हे। उमन कहिन के शासकीय अस्पताल मन के सुविधा मन म सरलग विस्तार करे जात हे ताकि मरीज मन ल बेहतर चिकित्सा सुविधा मिल सकय।