5 हजार ग्राम पंचायत मन म परामर्शदाता मन कोति ले आयोजित होवइया संवेदीकरण कार्यक्रम
रायपुर, अंतर्राष्ट्रीय युवा दिवस हर साल 12 अगस्त के मनाए जाथे। ए बेरा म छत्तीसगढ़ के स्वास्थ्य मंत्री श्री श्याम बिहारी जायसवाल ह राज्य म एचआईवी एड्स के प्रति जागरूकता बढ़ाय के उद्देश्य ले आज अपन निवास कार्यालय ले दू एचआईवी एड्स जागरूपता वाहन ल हरी झंडी देखाके रवाना करिन। ए जागरूकता अभियान के बेरा म राज्य ले 19 अइसन जिला जिहां एचआईवी के प्रति कम जागरूकता हे उहां हर जिला म दू-दू जागरुकता वाहन ल रवाना करे गए हे। ए जिला मन के सबो हाई अऊ हायर सेकेंडरी स्कूल मन म घलोक एचआईवी ल लेके जागरूकता फैलाय के काम करे जाही।
स्वास्थ्य मंत्री श्री श्याम बिहारी जायसवाल ह जानकारी देवत कहिन के एचआईवी के प्रति युवा मन ल जागरूक बर सबो जिला मन म कला जत्था दल मन ह घलोक जागरूकता फैलाय के काम करत हें। एखर संगेच पूरा प्रदेश के निजी अऊ शासकीय कालेज मन म घलोक ए अभियान ल शुरू करे जात हे। उमन बताइन के राज्य ल एचआईवी पाजिटिव मुक्त बनाए के उद्देश्य ले दू अकटूबर के राज्य के सबो ग्राम पंचायत मन म एचआईवी संक्रमित मन ले भेदभाव नइ करे बर शपथ लेहे के कार्यक्रम आयोजित करे जाही। ए बेरा म 5 हजार ग्राम पंचायत मन म काउंसिलिंग के संग परामर्शदाता मन कोति ले संवेदीकरण के कार्यक्रम शुरू करे जात हे अऊ एखर संगेच 70 इंटीग्रेटेड हैल्थ कैम्प के माध्यम ले घलोक मनखे मन ल जरूरी जांच सुविधा उपलब्ध कराए जात हे।
स्वास्थ्य मंत्री श्री श्याम बिहारी जायसवाल ह अंतर्राष्ट्रीय युवा दिवस के अवसर म एड्स जागरूकता वाहन ल हरी झंडी देखाके करिन रवाना
