सरगुजा जिला म 2,612 गर्भवती महिला मन के जांच, हाई रिस्क मामला मन म सफल प्रसव ले मिलीस नवा जीवन
सरगुजा, एक मां के मुस्कान ले सिरिफ ओखर घर भर न ही, बल्कि पूरा समाज खुशहाल बनथे। ए उद्देश्य ल साकार करत स्वास्थ्य विभाग ह सरगुजा जिला म मातृ अऊ शिशु स्वास्थ्य के क्षेत्र म एक नवा अध्याय लिखे हे। छत्तीसगढ़ रजत जयंती साल 2025-26 के अवसर म 17 सितमबर ले 2 अकटूबर तक चलत ‘स्वस्थ नारी, सशक्त परिवार अभियान’ ह नारी स्वास्थ्य अऊ परिवार कल्याण ल नवा दिशा देहे हे। ए विशेष अभियान के समय जिला भर म गर्भवती महिला मन, मातृ अऊ शिशु स्वास्थ्य म कई महत्वपूर्ण उपलब्धि दर्ज करे हे।
मुख्य चिकित्सा अऊ स्वास्थ्य अधिकारी ह बताइस के प्रधानमंत्री सुरक्षित मातृत्व अभियान के तहत कुल 2,612 गर्भवती महिला मन के जांच करे गीस, जेमें ले 439 हाई रिस्क प्रेग्नेंसी के रूप म चिन्हित करे गीस। सोनोग्राफी जांच म 425 महिला मन के जांच करे गीस, जेमें दुसर अऊ तीसर तिमाही के 220 अऊ 205 महिला मन के स्क्रीनिंग होइस।
विशेषज्ञ स्त्रीरोग चिकित्सक मन के टीम ह सबो विकासखंड म शिविर आयोजित करके गर्भवती महिला मन ल गुणवत्तापूर्ण काउंसलिंग अऊ उपचार उपलब्ध कराइस। ए काम म डॉ. किरण भजगावली, डॉ. आर.एस. मरकाम, डॉ. सृष्टि पांडे, डॉ. रजनी किशोर एक्का अऊ डॉ. प्रियंका सिंह संग आन खांटी जानकार के उल्लेखनीय योगदान रहिस।
हाई रिस्क केस म सफल सर्जरी
सीएचसी सीतापुर म सोनोग्राफी के समय दू गंभीर हाई रिस्क मामला म ग्राम रजोटी के 25 बछर के श्रीमती मनीषा अऊ ग्राम ललितपुर के 35 वर्षीय श्रीमती संजयवती ल तुरंते सिजेरियन ऑपरेशन के जरूरत बताए गीस। एफआरयू सीतापुर म निश्चेतना विशेषज्ञ डॉ. रूपक अऊ स्त्रीरोग विशेषज्ञ डॉ. संयोंगिता पैंकरा के टीम ह दुनों के सफल ऑपरेशन करके मां अऊ नवजात के जिंदगी सुरक्षित करिस।
स्वास्थ्य शिविर मन म रिकॉर्ड सहभागिता
स्वस्थ नारी,सशक्त परिवार अभियान के तहत जिला म आयोजित स्वास्थ्य शिविर मन म नागरिक मन के उत्साह देखे ल मिलीस। अभियान अंतर्गत कुल ओपीडी मरीज 40,358, उच्च रक्तचाप जांच 82,182, डायबिटीज स्क्रीनिंग 21,741, कैंसर जांच 11,877, एनीमिया जांच 10,073, क्षय रोग जांच 16,572, सिकल सेल जांच 1,994, टीकाकरण 1,214, नेत्र जांच 4,652, निःशुल्क चश्मा वितरन 65, मोतियाबिंद ऑपरेशन 111, वयोवृद्ध कार्ड जारी 156, ब्लड डोनेशन 301 यूनिट सकेले गीस।
रजत महोत्सव अऊ सेवा पखवाड़ा म मिलीस जनभागीदारी
रजत जयंती अउ सेवा पखवाड़ा के तहत सामाजिक, राजनीतिक अऊ शासकीय संस्था मन के भागीदारी ले आयोजित रक्तदान शिविर मन म 301 यूनिट रक्त संग्रहित करे गीस, जेन थैलेसीमिया, सिकलिंग अऊ आन मरीज मन खातिर जीवनदायिनी साबित होही।
मुख्य चिकित्सा अऊ स्वास्थ्य अधिकारी ह अभियान के सफलता खातिर सबो चिकित्सक, स्वास्थ्य कार्यकर्ता अऊ सहयोगी संस्था मन ल बधाई देवत कहिन के स्वस्थ नारी ही सशक्त परिवार अऊ सशक्त छत्तीसगढ़ के नींव हे। ये अभियान मातृ अऊ शिशु स्वास्थ्य सुधार के दिशा म बड़का उपलब्धि हे।
