रायपुर, 14 अगस्त 2020। मौसम विभाग ह राज्य म अवइया 24 घंटा म भारी बारिश के चेतावनी जारी करे हे. मौसम विभाग ह कहे हे कि प्रदेश के अधिकांश जिला मन म भारी अउ मध्यम बारिश के संभावना हे. मौसम विभाग ह भारी बारिश के चलत जिला प्रशासन ल सर्तक रहे बर कहे हे.
प्रदेश म अवइया 24 घंटा बर अधिकांश जिला मन म रेड अउ येलो अलर्ट जारी करे हे. मौसम विभाग के अनुसार सरगुजा, जशपुर, रायगढ़, कोरबा, जांजगीर, रायपुर, महासमुंद, बलौदाबाज़ार, राजनांदगांव, बस्तर अउ कोंडागांव जिला मन म येलो अलर्ट हे. उहें नारायणपुर, दंतेवाड़ा, बीजापुर अउ सुकमा म रेड अलर्ट हे. इहां भारी बारिश के चेतावनी देहे गे हे.
