छत्तीसगढ़ म संचालित करे जाथे देश ले सबले बडे़ स्वास्थ्य योजना
मुख्यमंत्री बिसेस स्वास्थ्य सहायता योजना के मदद ले दिशान ल मिलिस नवा जिनगी
रायपुर, नेहा राठौर के खबर/ छत्तीसगढ़ सरकार द्वारा गंभीर बीमारी के ईलाज ब देश के सबले बडे़ स्वास्थ्य योजना संचालित करे जाथे। मुख्यमंत्री बिसेस स्वास्थ्य सहायता योजना ले अभी तक 2643 मरीज मन के सहायता होए हे। ए योजना म मरीज ल ईलाज ब 20 लाख रूपिया तक के सहायता दिए जाथे।
मुख्यमंत्री बीसेस सहायता योजना म गंभीर बीमारी जईसे कैंसर, थैलेसीमिया मेजर, हीमोफिलिया, फेफड़े, कीडनी अउ लीवर ट्रांसप्लांट, कॉक्लीयर इम्प्लांट, हृदय, मस्तिष्क अउ मेरूदंड संबंधित कठिन ऑपरेशन न हमर राज्य के भीतर अउ राज्य के बाहिर घलो ईलाज करवाए ब आर्थिक सहायता दिए जात हे। ए योजना 01 जनवरी 2020 से चालू हे। ए योजना के लाभ लिए ब टोल फ्री नंबर 104 म फोन लगा के जानकारी लिए जा सकत हे या फेर मुख्य चिकित्सा अउ स्वास्थ्य अधिकारी कार्यालय ले घलो संपर्क करे जा सकत हे।
कोंडागांव जिला के केशकाल म रहे वाले श्री इमरान आडवाणी के घर जे दिन नानकन दिशान के जन्म होइस त खुशी के ठिकाना नई रहिस हे लेकिन दिशान ह चार महीना के होइस त एकाएक ओकर स्वास्थ ह बिगड़े लगिस। चिकित्सकीय जांच म पता चलिस के ओ लइका ल थैलेसीमिया मेजर नामक गंभीर आनुवांशिक(पैतरिक) बीमारी हे। खून के कमी के सेती दिशान के स ल सरलग कमजोर होत जात रहिस हे अउ ओला सांस लेहे म घलो परसानी होए के चालू हो गए रहिस हे। बैंगलोर के डाक्टर(चिकित्सक) ह बोनमैरो इम्प्लांट(बदले) करे के सलाह दिस। एमा 40 लाख रूपिया के खरचा होए के बात सुन के परिजन मन दिशान ल बचा पाए के अपन आस ल घलो छोड़ दे रहिस। इसने दुख के बेरा म मुख्यमंत्री बिसेस स्वास्थ्य योजना दिशान के जीवन म आसा के एक नवा अंजोर बनके आईस। परिवार के आवेदन करे के 15 दिन के भीतर स्वास्थ्य विभाग ह 18 लाख रूपिया के राशि दिशान के पिता के खाता म डार दिस।
बैंगलोर के एक निजी अस्पताल म इलाज ह चालू होइस। 6 महीना के इलाज के गए ले दिशान के थैलेसीमिया मेजर जइसे बीमारी ह दूरिहा हो गईस। छत्तीसगढ़ सरकार द्वारा ईलाज ब मिले आर्थिक सहायता ब दिशान अउ ओकर परिजन मन भावुक होके मुख्यमंत्री भूपेश बघेल ल धन्यवाद देत हुए कहिस के मुख्यमंत्री बिसेस स्वास्थ्य योजना नई होतिस त आज हमर दिशान के ईलाज ल संभव नई हो पातिस।
