दुर्ग, 27 मार्च 2020। कोरोना वायरस कोविड-19 के संक्रमण के रोकथाम बर लॉक डाउन के आदेश हावय। दुर्ग कलेक्टर अंकित आनंद ह जिला के अधिकारी मन ल कहे हें के ए परिस्थिति म ये जरूरी हो गए हे के गांव कोति के मनखे मन ल अउ जरूरतमंद अइसे परिवार, जिंकर तीर राशन के अभाव होवत हे, ओ मन ल हरेक ग्राम पंचायत के चिन्हारी करे जाय अऊ विशेष परिस्थिति म अइसन जरूरतमंद परिवार वाले मन ल सूखा राशन देहे के व्यवस्था करे जाय। एखर बर पंचायत मन ल विशेष निर्देश देहे गए हे। ये बाबत् सामाजिक संस्था मन के मदद घलोक लेहे जा सकत हे। हरेक ग्राम पंचायत मन म पंचायत येकर बर चांउर, दार अउ आन जरूरी राशन उपलब्ध रखे के हुकुम देहे गए हे।
गांव कोति जरूरतमंद मनखे मन के चिन्हारी करके मदद करव
