आवेदक मन ल ड्राइविंग लायसेंस अऊ पंजीयन प्रमाण पत्र बर घेरी-बेरी चक्कर लगाय ले मिलीस मुक्ति
परिवहन विभाग ह हेल्पलाईन नम्बर +91-75808-08030 करिस जारी
रायपुर, मुख्यमंत्री श्री भूपेश बघेल के मंशा के मुताबिक परिवहन मंत्री श्री मोहम्मद अकबर के मार्गदर्शन म प्रदेश म परिवहन विभाग ह नवा सुविधा ‘तुंहर सरकार तुंहर द्वार’ के कुशलतापूर्वक संचालन करे जात हे। एखर तहत केवल जून ले मार्च महिना तक 10 महिना के अवधि म 08 लाख 52 हजार 136 स्मार्ट कार्ड आधारित पंजीयन प्रमाण-पत्र अऊ ड्राइविंग लायसेंस आवेदक मन के घर भेजे गए हे। एमां 05 लाख 61 हजार 799 स्मार्ट कार्ड आधारित पंजीयन प्रमाण-पत्र अऊ 02 लाख 90 हजार 337 ड्राइविंग लायसेंस सामिल हे।
परिवहन मंत्री श्री मोहम्मद अकबर ह ‘तुंहर सरकार तुंहर द्वार‘ के सुव्यवस्थित संचालन बर लगातार निगरानी रखे जात हे। परिवहन विभाग के ‘तुंहर सरकार तुंहर द्वार‘ योजना मनखे मन के सुविधा बर एक महत्वपूर्ण योजना हे। ये मां मनखे मन ल परिवहन संबंधी 22 सेवा ऊंखर घर के द्वार म पहुंचाके देहे जात हे। जन केन्द्रित ये सुविधा के अंतर्गत मनखे मन ल अब घेरी-बेरी परिवहन विभाग के चक्कर लगाय के जरूरत नइ हे। एखर से आवेदक मन के धन अऊ समय दुनों के ही बचत होवत हे।
परिवहन विभाग कोति ले बताए गीस कि ‘तुंहर सरकार, तुंहर द्वार’ सेवा ल अऊ जादा सुलभ बनाए बर विभाग कोति ले एक हेल्पलाईन नम्बर +91-75808-08030 जारी करे गए हे, जेन बिहनिया 10 बजे ले संझा 5.30 बजे तक काम करत जानकारी प्रदान करत हे। आवेदक जानकारी बर ई-मेल घलोक कर सकत हे। ये हेल्पलाइन नम्बर म फोन करके आवेदक अपन ड्रायविंग लाइसेंस अऊ पंजीयन प्रमाण पत्र के प्रेषण संबंधी समस्त जानकारी प्राप्त कर सकत हे। अभी औसतन रोजेच 150 कॉल आवत हे। जेमां मुख्य रूप ले ड्रायविंग लाइसेंस अऊ पंजीयन प्रक्रिया, टैक्स अऊ फीस संबंधी जानकारी प्राप्त करत हें।
तुंहर सरकार तुंहर दुवार: घर बइठे मनखे मन ल मिलीस साढ़े 8 लाख ले जादा स्मार्ट कार्ड आधारित पंजीयन प्रमाण-पत्र अऊ ड्राइविंग लायसेंस
