मुख्यमंत्री बिसेस स्वास्थ्य योजना के तहत् होही उपचार
नारायणपुर, नेहा राठौर के खबर/ सब जानथे के केंसर असन बड़े बीमारी के इलाज म अबड़ पईसा खरचा होथे, तेकर सेती एक ठ मध्यम वर्गीय परिवार ब ए ह कतका बड़े बात होथे। अइसने मुख्यालय के वार्ड क्रमांक 7 के निवासी श्री आसनो पटेल के 8 बछर के बेटा ओम कुमार पटेल घातक ब्लड केंसर की बीमारी ले ग्रसित रहिस हे। निम्न मध्यम वर्गीय परिवार के आसनो कुमार पटेल स्थानीय सरस्वती शिशु मंदिर विद्यालय म शिक्षक के पद म नियुक्त हे, जबकि उंखर पत्नि ह गांव गढ़बेंगाल के छात्रावास म रसोईया के पद म बुता करथे। अइसने दुःख के घड़ी म आसनो ह ईलाज कराए ब प्रशासन ले आर्थिक सहायता पाए ब निवेदन करे गईस।
उपचार के प्रक्रिया के सूरुआत म खून के केंसर के ईलाज ब चिकित्सक कोती ले अनुमानित राशि 2500000.00 रूपिया (पच्चीस लाख रूपये मात्र) के प्राक्कलन दिए गईस, अइसे त श्री आसनो पटेल करा प्राथमिकता क्रम के राशनकार्ड हावय, लेकिन केंसर के ईलाज करवाए ब आयुष्मान भारत प्रधानमंत्री जन आरोग्य योजना म पईसा के पुरती नई होए सके। तेकर ब पटेल ह लईका के उपचार ब मुख्यमंत्री बिसेस स्वास्थ्य सहायता योजना ले ईलाज करवाय ब आवेदन दीहिस।आवेदन स्वीकार होये के गए ले मुख्यमंत्री बिसेस स्वास्थ्य सहायता योजनांतर्गत स्वीकृत पैकेज राशि ले बालक ओम पटेल के उपचार बालको मेडिकल सेंटर रायपुर म करे जाथ हे। कुल मिलाके मुख्यमंत्री बिसेस स्वास्थ्य सहायता योजना गंभीर बीमारी जूझत मरीज अउ उंखर परिवार ब बरदान बनिस हे। ए योजना ह अइसे परिवार जेमन इसने खतरनाक बीमारी के उपचार के खरचा नई उठाए सके तेन मन ब अबड़ सहयता करथे । इसने म आसनो पटेल अउ उंखर पत्नि ह अपन लईका के इलाज ब शासन कोती ले करे वाले मदद के आभार जतइस।
