सूरजपुर, 27 अक्टूबर 2020। जिला के प्रतापपुर म पुलिस ह अवैध तरीका ले गांजा के फसल बोवइया आरोपी ल गिरफ्तार करे हे। पुलिस ह आरोपी ग्रामीण के बाड़ी ले 30 गांजा के पौधा बरामद करे हे, जेखर वजन लगभग 45 किलो हे। ये मामला प्रतापपुर थाना क्षेत्र के हरे, जीहा पुलिस ल मुखबीर ले सूचना मिले रिहिस कि मकनपुर के रहवइया सैनाथ पैकरा अपन खेत म अवैध रूप ले मादक पदार्थ गांजा के पौधा लगाय रिहिस। लिहाजा प्रतापपुर पुलिस ह आरोपी के घर दबिश देके ओखर बाड़ी के तलासी लीस, जीहा ओखर खेत ले 30 नग हरा गांजा कुल वजन 44.300 किलो ग्राम के गांजा मिलीस, जेखर कीमत 2 लाख 20 हजार रुपिया बताय जावत हे। फिलहाल पुलिस ह आरोपी ल गिरफ्तार करके ओखर खिलाफ एनडीपीएस एक्ट के तहत मामला दर्ज कर लेहे हे।
खेत म लगाया रिहिस गांजा के पौधा, एक आरोपी गिरफ्तार
