हर्बल गुलाल ले स्व सहायता समूह के महिला मन देवत हें सुरक्षित होली के सन्देश

कोंडागांव, हर्बल गुलाल शुद्ध प्राकृतिक तत्व ले बने अउ केमिकल रहित होए के सेती एखर मांग सरलग बाढ़त हे। एला देखत पूरा प्रदेश म स्व-सहायता समूह के महिला मन एला बना के बेचे जात हे। कोंडागांव जिला के ग्राम आलोर के मां शीतला स्व-सहायता समूह के महिला मन के बनाए हर्बल गुलाल के मांग हर साल बाढ़त जात हे। समूह ह साल 2021 म 3 क्विंटल हर्बल गुलाल के उत्पादन करे रहिस, एखर से ओ मन ल 31 हजार रूपिया के आमदनी होए रहिस। हर्बल गुलाल के मांग ल देखत साल 2022 म 4 क्विंटल हर्बल गुलाल के उत्पादन करे गीस, एखर से ओ मन ल 40 हजार रूपिया के लाभ होइस। ये साल समूह के महिला मन पांच क्विंटल हर्बल गुलाल के उत्पादन करे हे। उमन ल भरोसा हे कि एखर से समूह ल 50 हजार रूपिया ले जादा के आमदनी होही। हर्बल गुलाल के बिक्री ले समूह ल अब तक 10 हजार रूपिया तक के आय हो गे हे। मां शीतला स्व-सहायता समूह ल ये सफलता बर राज्य स्तर म घलोक सम्मानित करे जा चुके हे।