राजधानी सहित राज्य के बड़े बड़े शहर मन म होत हे गुलाब के डच वैरायटी के आपूर्ति
कांकेर, नेहा राठौर के खबर/ छत्तीसगढ़ के वनांचल के कांकेर जिला म गुलाब के हाईटेक खेती होत हे। किसान नीदरलैंड के डच वैरायटी के गुलाब के उत्पादन करत हे। इसने ही एक कृषक भाई हे श्री गिरजा निषाद , जे ह अपन पुश्तैनी खेती म बदलाव के के गुलाब ले खेती करे के चालू करे हे अउ अब साल भर म लाखों रूपिया के कमई करत हे।
राजधानी रायपुर के संग ही राज्य के अउ कई ठ बड़े शहर मन म सजावट ब गुलाब के संग अउ कई प्रकार के फूल मन मे मांग ह बाड गए हे। ए सब ल देखत हुए राज्य सरकार ह किसान मन ल फूल के खेती करे ब प्रोत्साहित करत हे। राष्ट्रीय बागवानी मिशन म फूल के उन्नत खेती करे ब पॉलीहाउस निर्माण सहित अउ आदानों के अलावा उद्यान विभाग ह तकनीकी मार्गदर्शन घलो देवत हे। किसान मन ल पॉलीहाउस निर्माण ब बैंक के माध्यम ले ऋण अनुदान के घलो व्यवस्था करे जाथे।
कांकेर जिला के गांव चौगेल के श्री गिरजा निषाद ल अपन एक एकड़ म फूल के खेती ले रोज कम से कम 9 से 10 हजार रूपिया के आवक हो जाथे। ओ ह अपन खेत म बनाए गए पॉलीहाउस म नीदरलैंड के डच वैरायटी के गुलाब के पउधा लगाए हे। सिरिफ एक एकड़ खेत म ही प्रतिदिन 45 से 50 किलो गुलाब के फूल के उत्पादन ओमन ल मिलत हे। जेला 02 सौ रुपिया एक किलो के दर प रायपुर म पैकेजिंग कर के बेचे ब भेज दिए जाथे। ओ ह बताइस के गुलाब ल फूलों के राजा कहे जाथे। ओकर राष्ट्रीय अंतरराष्ट्रीय बाजार म बनेच मांग हे। गुलाब के फूल ले गुलकंद, गुलाब जल, तेल, सौंदर्य प्रसाधन, साबुन, अगरबत्ती, इत्र, जैम जैली, पेय पदार्थ अउ इसने कछु कछु बनाए जाथे। गुलाब के खेती कर के किसान बढ़िया आमदनी प्राप्त कर सकत हे।
